قصيدة اعتذار

**(ملكة الطيبه)** الأحد مايو 20, 2012 10:56 am

ياعمري الدنيا ماتسوى تنام وخاطرك زعلان..
ولا شي يستاهل يخلي قلبك يعاني..
*طلبتك كان لي خاطر تبعد عنك الأحزان..
فديت أعيونك الحلوة تيسم لو على شاني..
*حبيبي صارلي مدة أشوفك تايه وحيران..
وأنا لاشفتك حزين تزود أحزاني..
*أناأحبك ولاودي تعيش بدنيتك ندمان..
ترى الأيام محسوبة وتالي هالعمر فاني..
*تصدق بسمتك والله تفرح خاطري الولهان..
بطير من الفرح ياقلبي وأصير بعالم ثاني..
*والى من شفتك بضيقة أحس أني أنا الغلطان..
أعاتب نفسي بنفسي ولو ماكنت أنا الجاني..
*غلاتك بداخل أعروقي ولايوصل غلاك أنسان..
يمر الوقت ويثبت لك غلاتك أن الله أحياني..
*أضحي بعمري لعيونك تنام أنته وأنا سهران..
وأنادي جروحك لقلبي تجي واحد ورى الثاني